مالقيت لقصتي موضوع تعبت وابي الحل ؟؟ نصائح الدكتورة

السلام عليكم ورحمة الله وبركاته سالفتي طويله لكن بحاول اختصرها قد ماقدر مدري منين ابدا دموعي بدات قبل ابدا في المشكله .. انا عمري 24 متزوجه من 4 سنبن وعندي بنت حبيته وهو حبني وقبل كل هذا هو ولد عمي خطبني رفضو اهلي خطبني للمره الثانيه رفضوه في هالفتره انا تعبت نفسيا علشانه من حبي له خطبني شخص ثاني اهلي وافقو وكان خلاص بيجي يشوفني شوفه شرعيه انا وافقت غصب عني كنت مئيسه اني راح اخذ ولد عمي سبحان الله صارلهم شي وماجاء قلت الحمدلله خيره بعدها بفتره خطني ولد عمي للمره الثالثه رفضو اهلي الا هالمره انا اقنعت اختي الكبيره تقنع اهلي كان اسباب رفضهم ان ناس مطلعين اشاعات عليه قويه انه يشرب ومن هالقبيل انا ماصدقت كل هذا لاني واثقه انه مو كذا المهم اقتنعو اهلي باالقوه تمت الخطوبه والشبكه وبعدها بفتره الملكه قبل الزواج بشهر المهم اتزوجنا وانا ساكنه عند اهله والله والله العظيم اني مو مقصره معه بشي من طبخ لنظافة بيت لشكلي ولبسي لدرجة اني اسويله سهرات رومانسيه فاجئته بهدايا وعاملته معامله الله يشهد اش كثر انا مو مقصره معاه حتى مع اهله اعتبرت امه امي وربي يشهد واخته زي اختي حتى وانا عروس والله العظيم اني اطبح تحت وللبيت كله ماحسيت اني عروس ولاحسيت بخصوصيتي كان يمنعني ازور اهلي اجلس اسبوع ماشوفهم واحنا مابنا الا شارع .. ماكنا نجلس سوا طول اليوم تحت عند اهله لدرجة انا مانطلع فوق الا الساعه 4 الفجر واذا طلعنا بمجرد انو دخلنا الغرفه دق التليفون تحويله خالتي ام زوجي او اخته قلت يلا انا اتحمل كل شي علشان خاطره ومابي اشكي لزوجي خايفه من المشاكل واكون فاتنه بينهم مشكلتي اني طيبه لابعد درجه فوق ماتتصورون كانو يتريقون علي واسكت ما ارد مو خوف احتراما لهم والدته حبوبه وطيبه مره معاي بس اللي يغيرها اخته ومره من المرات فاجئته بحفله فوق ومهيئه الجو من شموع لورود وكنت انتظر زوجي جت الساعه 12 ونص دخل شاف الجو وقف عندي شوي وقال يالله يالله ننزل تحت انا حسيت بوقته بجرح انصدمت المهم مرت السنين وانا ع الوضع ماتغيرت تجاهه ولاتجاه اهله بشي للاحسن وكل هذا لخاطر عيونه كنت اتمنى اني احس انو احنا زوجين مثل باقي الناس بيت لحالهم ياكلون مع بعض المهم فجاه انمرضت خالتي امه والله اعلم اش كثر حزنت عليها واتاثرت علشانه لاني احبها مرره المهم مرت الشهور وكلمالها تتدهور حالتها الصحيه نقلناها ع الرياض ع المستشفى دخلت العنايه المركزه البيت ولا شي من دونها جلست شهر في العنايه صحت طلعوها ع الترقيد كنت ارافق عندها من الساعه 1 في الليل الى الساعه 9 الصباح كنت اخلي بنتي عند شغالتهم وانا مو من النوع اللي اعتمدع الشغالات اخاف منهم اهملت بنتي باكلها بشربها علشان امه كنت اقول خالتي اولى من ينتي المهم مره تتدهور ومره تستقر وعلى هالوضع بفترها كنت اشك في زوجي اشياء اتغيرت فيه قلت مابي اظلمه المهم مره من المرات جواله كان يشحن فتحت الجوال وياليتني مافتحته مالقيت بصندوق الوارد شي بس لقيت في المرسله رسائل انصدمت فيه ياربي اش اسوي اواجهه ولا اشلون كيف اتصرف معاه سكت وكان بيومها العصر بيوديني لامه لاحظ اني متغيره او شك اني عرفت شي لمكن جا ياخذني من المستشفى من ركبت السياره ع طول كلم واحد وقاله الرقم اللي عطيتني اياه والله لاسحبها لك واخليها تعترف بوقتها اتاكدت انه عرف ان السبب هالمسجات وكان خايف باين ع وجهه وسكر التليفون قال هذا واحد من الشباب كان مكلم خطابه وقالتله تجي تشوف البنت بس شرط تجيب 30 الف ريال ومدري كيف وانه لمن راح للاستراحه امسكو صديقي وفسخو ملابسه وصوروه ومدري ايش جلس يحوس علي الف فلم هندي اللي مو عاقل مراح يصدق هالسالفه قلت له لا مو ذي السالفه هذي البنت انت تعرفها جلس يصارخ علي شوي يضربني واحنا بالسياره وجلست ابكي بقوه ويتنافظ جسمي من القهر ليه يخوني وانا ماقصرت معه بشي لدرجه لمن وصلنا البيت ماقدرت انزل رجولي مو حاسه فيها وضيق تنفس هو انهبل خااااايف يجيني شي بسبته لمن هدت الامور جاني قال لي والله هذي ماتخصني ان السالفه اللي قلته لك هي صحيح جلس يقنع فيني الين ماقتنعت بس مو مره قلت يالله علشان بنتي وعلشان ظروف والدته راح احاول اصدق وانسى المهم مر اسبوع كتبت له بورقه وخليتها له بالسياره باختصار حبيبي وزوجي انت عارف اشلون اخذنا بعض بصعوبه حبيتك وحبتني انا مو مستعده اني اخسرك واخليك علشانه والله يافلان لوتعترف وتقول لي انك تعرفها صدقني والله راح اسامحك بس مو اكتشف بعدبن ان لك علاقه معها لاني بوقتها ماراح اسامحك الله يخليلنا بنوتتنا ويخلينا لبعض ومن هالكلام .. رد علي بمسج ارسله ع جوالي والله احبك والله يخليك لي ...... الخ بعدها بفتره كنت مسويه حفله لذكرى زواجنا بعد ماخلصت الحفله قمت اخذت جواله ابي التقويم بكتبله كلام حلو والله مابنيتي وقتها افتش بس سبحان الله الله بيطيحه فتحت لقيت رساله منها صورتين له وكاتبه شايف انا ارسلتلك صورتي شوف مين يحب الثاني اكثر يالله بوقتها انجرحت للمره الثانيه ماقلت له شي ولا وضحت له بشي مر يومين قلت مقدر لازم اتكلم اتكلمت معاه واجهته قال انا تجيني ازعاجات ومدري كيف والله ماعرفها قلت اشلون نفس الرقم هي اعرفهاالمهم منا ومنا قلت ابشوف اش يصير ... مر تقريبا شهر من بعد هالسالفه كان جواله يشحن في الصاله وكان هو برا البت فتحت الا ومسج من نفس البنت ونفس الرقم لاني حافضته كلام هي كاتبته من عندها المهم قمت واتصلت عليها من جواله ردت ع طول قلت الو سمعت صوتي وسكرت الخط بوجهي اتصلت مره ثانيه قلت الو قالت مين انتي قلت انا زوجته قالت انا اسفه صدقيني يا ... تخيلو الطامه الكبرى تقول اسمي عارفه كل شي الاخ معطيها التفاصيل كلها تقول انا اسفه وانا بنت ناس ومتربيه قلت له واضح والدليل ارسلتي صور لك لزوجي وللمعلوميه الصوره عندي المهم صار بينا اخذ وعطاء دخل زوجي فجاه وانا اكلم ياجماعه لوتشوفون وجهه كانه صاب مويا حاره عليه ومرتبك قال مين تكلمين ناظرته نظره ومارديت عليه جلس وانا اكلم البنت ماتحملت وجوده جالس جنبي بكل برود يحاول يبرر ماتحملتهم قلت له هو وهي الله لايسامحكم ورميت الجوال عليه وجلست اركض مدري وين بروح ادخل الغرفه وبعده ركضت للمطبخ ابكي بدون دموع ماني مصدقه انه يسوي فيني كذا ليه جاني في المطبخ يحاول يهديني قلت له لاتلمسني وخر عني واصارخ انت طحت من عيني خلاص وانا متجهه للباب ابطلع قال مراح تطلعين وش السالفه قلت وخر ماعندي استعداد اسمع كذبه جديده انا اش قصرت معك فيه علشان تدور ع غيري كل شي سويته لك واتحداك اذا بتقول انا مقصره لاني عارفه نفسي واثقه من نفسي من بعده خليته دخلت الغرفه ومن بعدها المكان اللي هو فيه ماادخله يحاول بالمسجات اني ارضى عليه وعلى هالوضع 10 ايام مانشوف بعض واحنا بنفس البيت دخل الغرفه عندي قال اشفيك انا ماتحملت جلست ابكي لانه ظلمني مره تخيلو ياجماعه حلف لي بالقران اللي مافيه اطهر منه انه ماله علاقه في البنت ولايعرفها حلف لي وهو يكذب.. كان فترتها ابوه فيه وبيرجع يساقر كنت خلاص مجهزه عفشي بروح معاهم لأهلي بس مراح اقول لاهلي شي انا جيت وزوجي راح يطول في الرياض لكن رفض يخليني اروح انا مقدر استغني عنك انا ابيك مستحيل اخليك تروحين وجلس يبكي عندب انا ماتحملت ما ارضاها عليه اني اشوف دموعه .. بعدها على شوي شوي لين هدت الامور .. مرت الايام والشهور قالو المستشفى خلاص امك طلعا للبت تحست بس مو مره ومالها علاج خلاص سويناله غرفه في البيت كأنها في مستشفى وممرضه صار طول يومي عندها من غير شعل البيت والطبخ وكانت حالتها الصحيه مستقره تقريبا شهرين ونص فجاه تعبت مرررره المهم مره جا زوجي قال لي جيبي كيس في الحوش عند الباب كنت عند امه قلت له دقايق بس المهم رحت ابجيبه مالقيته فجاه تجيني رساله ع جوالي يقول فيها لو في وجهك حياء وتعرفين تقدرين زوجك مو اقول لك تجيبين لي الكيس من الحوش وماجبتيه للهالدرجه قل الاهتمام ولكن بيت اهلك واسع وانا عندي ضيق انتي من طريق وانا من طريق .. سويت نفسي طبيعيه عند اخته لان مو ناقصين ومو وقته انكد عليهم وكان كل همي علشان خالتي .. رديت عليه بمسج الله يهديك انا كنت عند امك وخلصت بجيب لك الكيس لقيته مو موجود واذا هالبيت ضيق انا مالي مكان فيه .. رد بمسج يقول الله يسهل عليك ولاتخلين شي يخصك بالبيت ضفي عفشك .. انا ماتحملت هالكلام لان الموضوع مايسوا هذا كله ..رحت وضفيت اغراضي كلها ماخليت شي يخصني لمن جا من بكرا الصباح وقبل يصحى نزلت سلمت ع امه وبوستها وبوست ايديها وخنقتني العبره وطلعت اخذت بنتي وطلعت حتى جوالي خليته وكل شي هو جابه لي هديه خليته وطلعت بهدوء.. عدا اليوم كل اهله يحسبوني في البيت موجوده طلعت رقم جديد وارسلت لاخته (((((والله احبكم وما ابي اخليكم وانتم بهالظروف لكن هذا اللي يبيه اخوك انتبهي لامك ولنفسك اشوفكم ع خير))) المهم بعدها بيوم ارسلت لاخته مسج اتطمن ع والدته قالت لي مرررره تعبانه عندها الدكتور احتمال يدخلونها العنايه وطول الليل وانا متابعتها الين دخلت العنايه وهم طلعو من المستشفى جلست اوصيها واهديها المهم من بكرا العصر رحت انا واختي للمستشفى لقيت اخته ضميتها وجلسنا نبكي دخلت ع خالتي منظر شفته ماكنت اتمنى اشوفها بهالوضع تنفس صناعي انا حسيت انها خلااااااص انتهت انتهت الزياره اخته راحت للبيت وانا رحت لبيت اهلي في الليل رن جوالي الاهذا رقم زوجي مارديت 5 مرات يتصل مارديت والمره الاخيره رديت يكلمني بكل برود اخبارك ولا كانه سوا شي انا بوقتها قلت مراح اقول شي اللي فيه مكفيه مراعاة لظروف امه تخيلو فال ابجي اخذك يلا اتجهزي قلت لا ماراح اروح خلني شوي قال خلاص بكرا اجي اخذك قلت له ولا بكرا انا انتظر انه يعتذر يقول شي بس ماقال شي وسكر الخط المهم من بكرا الظهر اتصلت اختي علي قالت لي خالتك اتوفت ماقال لك فلان قلت لا تمزحين جلست ابكي ورحت انا واختي واخوي للمستشفى دخلت العنايه لقيت خالتي ع السرير متوفيه ضميت اخته وجلسنا نبكي بهاللحظه جتني قوه ضميت خالتي بوسته قالو يلا بنوديها المغسله قالت اخته بروح انا اغسله معهم قلت ماتروحين بلحالك انا بروح معك وفعلا رحت كان موقف عمره مامر بحياتي غسلناها انا وهي ومعنا اللي يغسلن صبيت السدر والمسك الى يومي هذا انا مو مستوعبه اني غسلتها بايدي الله يرحمها كانت طيبه وكافه خيرها وشرها ماشفت الا كل خير منها رجعت لبيتهم وصار العزا يعني وقفت معهم وقفه والله مو فضل ولا شي بس علشان اقولكم اني للحظه الاخيره وانا واقفه معهم برغم الجروح اللي سببها لي والحين صار له 3 شهور من وفاة الغاليه .. لكن الثقه انعدمت ما اثق فيه والشك ذابحني وبرغم كل اللي شفته منه الا اني احبه للحين واموووت فيه لكن الله يسخره لي عرضت مشكلتي حبيت تفيدوني هل انا غلط ولا ايش نفسيتي مره تعبانه حاولت معاه بكل الطرق مافي فايده مع العلم اني للحين افتش في جواله مالقيت شي بس الشك ذابحني حاسه انه للحين ماتغير .. ادعوووولي بحاجه لارائكم ودعواتكم لي ان الله يفرج همي .. اترددت كثير اني اعرض قصتي بس مالقيت بعد الله الا انتم ماتعرفوني ولااعرفكم مابي اشكي لاهلي متعاهدين من اول يوم دخلت بيته ان اي شي يصير بينا مايطلع برا الغرفه

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]