اســـمحـــولي يا زعمـــاء ،، خطتي لو صرت الرئيس ،، وانتم ؟؟ خبر ، الزعيم

هلا بأهل البطولات ومنبعها ،،، اليوم جلست افكر ،، لو كان عندي40 مليون ورشحت نفسي للرئسه الهلال ،، وطبعا زدنا عليها الخمسين مليون حقت موبايلي ،، المجموع 90 مليون ،، وش ابسوي اذا مسكت النادي ،، طبعا بقول اللي في راسي الحين 1-الحراسه ،، اذا ما اعتزل الدعيع فأمورنا طيبه بس قد تكون حرجه اذا اعتزل ،، الشمري ما يكفي ،، لازم ندور على حارس صاحي ولو بنظام الاعاره . 2- الدفاع ،، بجيب واحد اجنبي قلب دفاع ،،،، لاسباب ،، منها اني اشوف اسامه هوساوي من طقه رضا تكر ،، اللي جسم بس ما حولك احد ،، المرشدي = عليه شطحات واسئلوا مالك معاذ يوم نخله ،، يدعي بسلامه تيفا اللي شايل الجمل بما حمل ،، خيرات = قليل خبره ،، يعني كويس اللي لعب ربع الموسم هذا مثلا ،، والموسم الجاي نصه او ثلثينه ،، اللي بعده اساسي ،، حلو التدرج المفرج = لا تعليق ،، شهاده شكر وحسن سيره وسلوك وباااي ،، بالنسبه لمشكله الظهير الايمن ،، العنقري وزمرته اللي هم العبدالسلام والياس على طول اعاره ،، وفلوسهم على مليون او مليونيين من خزينه النادي واجيب ظهير ايمن ((محلي)) عليه الكلام ،، كذا الفاع ميه ميه ،، 3- الوسط ،، المحاور ابطال للغايه ،، عزيز والخثران مسووين شغل ،، التايب عشره على عشره ،، بس مع احترامي للتمياط و الشلهوب يعتبرون عبىء على الوسط واثبت الموسم اللي راح ،، فلذالك اضمهم للبرقان والغنام في قائمه الانتقال ،، وبفلوسهم على مليون مليونيين كمان اشوف لي واحد محلي فنان وجاهز يتنافس مع عبدالعزيز الدوسري والفريدي على الللعب جنب التايب ،، 4- الهجوم ،، عندنا القناص شغله عدل على قوله الكويتيين ،، بس ما جنبه واحد يبرد الغل ((مع احترامي للصويلح)) ،، فلذالك يلزمنا اعاره الخراشي والعنبر (( اثبتوا بما لا يدع للشك ان الهلال اكبر من مستواهم )) وبفلوس اعارتهم على مليون مليونيين ((هالمره دولار)) لاننا بنجيب اجنبي مشهود له بالفن (( مو نجربه )) ونجلسه جنب ياسر قدام ،، والصويلح والسعود احتياط ،، 5- الجهاز الطبي ،، مع فائق تقديري لجهازنا الطبي الجزائري الا انهم دون الطموح ،، الموسم اللي راح ذبحونا ببطىء معالجه واعداد اللاعبين ،، انا لو بيدي جبت طاقم طبي عالمي اجنبي ،، ولنا في برنابوك عبره ،، طيب انتم يا زعماء ،، وش بتسون لو تمسكون النادي ،، وفي الخزينه 90 مليون ؟؟ ،،